Stqarrija mill-Ministeru għall-Familja, Drittijiet tat-Tfal u Solidarjetà Soċjali: Seminar dwar in-namur u r-relazzjonijiet

Reference Number: PR192227, Press Release Issue Date: Oct 19, 2019
 
Il-Kumitat għat-Tisħiħ tal-Familja fi ħdan il-Ministeru għall-Familja, Drittijiet tat-Tfal u Solidarjetà Soċjali organizza seminar bit-tema; ‘In-namur għadu moda?’. Dan is-seminar qajjem interess kbir mill-professjonisti li jaħdmu f’dan il-qasam, hekk kif kellhom iċ-ċans jesprimu l-ħsibijiet tagħhom dwar is-suġġett.
 
Kien diskuss li għalkemm in-namur nbidel fil-mod kif isir, xorta waħda huwa parti integrali mir-relazzjonijiet.

Il-professjonisti fissru kif iż-żgħażagħ qed jirrikoru għal mezzi differenti kif jfittxu u jibnu n-namur. Xorta waħda il-kuntatt emozzjonali u dak fiżiku jirbaħ kull mezz ieħor ta’ namur.

Preżenti għal dan is-seminar kien hemm il-Ministru għall-Famlja, Drittijiet tat-Tfal u Solidarjetà Soċjali, Michael Falzon. Huwa qal li rridu nirrikonoxxu li l-familja hija l-bażi ta’ kollox, irrelevanti x’inhuma dawk il-karatteristiċi li jiddinstingwixxu familja minn oħra. 

Il-Ministru Michael Falzon qal li jemmen bis-sħiħ li relazzjonijiet tajba fil-familja iwasslu għal aktar kuntentizza, paċi, għaqda u mħabba. Dawn il-fatturi jistgħu jsaħħu aktar ir-relazzjoni bejn koppji kif ukoll familji li għandhom it-tfal. Relazzjonijiet b’saħħithom, jeħtieġu kommunikazzjoni effettiva, lealtà u emozzjonijiet li jibqgħu b’saħħithom fit-tul.

Il-Ministru Michael Falzon qal li jemmen bis-sħiħ fil-kunċett ta’ familja b’saħħitha. Xhieda ta’ dan huwa l-impenn kontinwu biex nsaħħu d-dinamika tal-familja, il-kwalità tal-ħajja kif ukoll l-atmosfera inġenerali. Prova ta’ kemm dan il-gvern jemmen fil-familja, kien il-preżentazzjoni tal-aħħar baġit, b’għexieren ta’ miżuri li jolqtu direttament il-familji. Dan il-gvern jemmen li għandu jgħin lil dawk l-aktar familji vulnerabbli filwaqt li nippremjaw ukoll il-familji bieżla. Huwa għalhekk li nemmnu f’bilanċ assolut bejn l-assistenza finazjarja akkumpanjata ma’ livell ta’ ħajja aħjar, temm jgħid il-Ministru Michael Falzon. ​ ​
 
 pr192227a.jpg

 pr192227b.jpg